Ísbirnir þá og nú...

Eftir alla umfjöllun fjölmiðla undanfarnar vikur um ísbirni, hvort sem þeir voru fangaðir eða reyndust vera hestar, varð mér hugsað til ársins 1965.

Þá var hafís inni á Norðfirði, þar sem ég var á ferð ásamt móður minni hjá föðurfólkinu mínu og fleiri skyldmennum.

Um þær mundir var aprílgabb útvarpsins einmitt í tengslum við ísbirni ("úllabbalabbalei..."), með Stefán Jónsson í broddi fylkingar!

Þarna var ég aðeins barn að aldri og lifði mig greinilega inn í alla þessa umfjöllun um hafís og meinta ísbirni!  Það heyrðis líka mikið marr og brestir í ísnum!

Eitt kvöldið þegar ég hafði lagst í hvílu tókst mér engan veginn að festa svefn, vegna sannfæringar um að það væri ísbjörn inni í herberginu!  Þegar móðir mín fór að athuga málið reyndist björninn aðeins vera pottofn, beint á móti rúminu!

Ég hef aldrei getað sofið við ljós, þarna hafði "eitthvað stórt" blasað við í rökkrinu...

 

  Myndin er frekar lítil hjá mér, en þarna erum við nokkur börn, með hafísinn í baksýn á Norðfirði "hafísárið" 1965.

Athugasemdir

[Hólmdís Hjartardóttir, 25.6.2008 kl. 14:45]

ég var skíthrædd við ísbirni sem barn. Er frá Húsavík og man vel eftir Skjálfanda fullum af ís

[Faktor, 25.6.2008 kl. 16:10]

Ég held ég hafi nú jafnað mig að mestu á þessu, enda hafa þeir haldið sig fjær mér á landinu

[Helga Rebekka - frænka (IP-tala skráð) 26.6.2008 kl. 15:29]

Sæl frænka!

Sá á síðunum hjá ömmustelpunum þínum að það væri stór dagur í dag.

Til lukku með daginn og vonandi hefur þú það gott

[Faktor, 26.6.2008 kl. 16:56]

Kæra Helga Rebekka.

Takk yfrir afmæliskveðjuna!

Jú mikið rétt, þetta telst víst merkur áfangi í lífi hvers og eins

Hulda Ösp var svo almennileg að gefa mér afmælisgjöf!  Drengur fæddur í morgun

[Ásthildur Cesil Þórðardóttir, 7.7.2008 kl. 21:38]

Það er von að börnin verði hrædd þegar svona fréttamennska er í gangi. 

[Faktor, 9.7.2008 kl. 01:05]

Til hamingju með soninn Ásthildur og það sem hann var að gera!

Minn maki átti afmæli 8.júlí og fleiri mætir Íslendingar

Það er vertíð hjá minni fjölskyldu þessar vikurnar   smá hlé á blog-rituninni á meðan.