Spænir

Hestamenn, gæludýraeigendur!

Vantar einhvern úrvals spæni?!

Hafi einhver áhgua má hafa samband við mig

NÓI ALBINÓI - frá sögusviðinu

Ég hef verið í þeirri aðstöðu s.l. 19 ár að geta "tekið púlsinn" hjá ferðafólki á Ísafirði.

Það hefur oftar en ekki komið í ljós frá útgáfu kvikmyndarinnar "Nói Albinói" að erlendir ferðamenn hafa komið gagngert á Norðanverða Vestfirði til að sjá staðina þar sem myndin var tekin. Margir þeirra hafa rætt um myndina við mig, ég hef sagt þeim frá stöðunum og hvert þeir geti farið til að sjá "sögusviðið".   Þessa helgi er einmitt einn þessara aðila staddur hér, hann kom hingað fyrst í desember 2007, næst kom hann í febrúar 2008 og aftur núna.  Hann er "kolfallinn" fyrir Vestfjörðum og vill gefa út ljósmyndabók um Vestfirði.                                                                      

Tvisvar hefur unnusta hans komið með honum og hélt hún tónleika í Hömrum s.l. laugardag, en hann var með ljósmyndasýningu þar á föstudagskvöldið.  Hann ákvað að skilja myndirnar eftir í Hömrum og hanga þær því væntanlega uppi eitthvað áfram.  Síðar um kvöldið gengum við nokkur saman og gafst honum þá tækifæri á að berja augum "bankann úr Nóa Albinóa", einnig var honum sagt frá nokkrum persónum sem komu fram í myndinni og tengslum þeirra við Ísafjörð og fólkið sem hann er búinn að kynnast þar.

     

 

 Parið skoðar möguleika á gistingu fyrir sunnan í "heita reit" Faktorshússins,  Hæstakaupstað

Kokstuleg tilviljun, skemmtiferðaskip í Sundahöfninni, Ísafirði, finnskt, frá heimabæ parsins

Maðurinn leigði sér hjól og lét sig ekki muna um að fara á því til Bolungarvíkur, þar óð hann út í sjó til að taka myndir af klettum.  Honum finnst grjótið hérna frábrugðið því sem hann hefur séð í landinu sem þau búa í, hér sé eins og það "spretti upp úr jörðinni", en þar eins og þeir hafi "dottið niður"   Eftir þetta hjólaði hann 2svar í Bónus og daginn eftir, inn í Súðavík.

Á sunnudaginn skruppum við á Þingeyri, þar sem brottför þeirra var ekki fyrr en undir kvöld. "Bókabúðin" þar er orðin óþekkjanleg miðað við útlit hússins í myndinni, en núverandi eigandi hefur unnið að endurbótum þess undanfarin misseri.  

Þegar komið var til Þingeyrar var hann ekki lengi að taka við sér og hlaupa yfir götuna til að skreppa í sjoppuna "hans Nóa albinóa"!  Skömmu síðar kom hann til baka með sunnudagsmoggann, en þar var umfjöllun um þau og maltflösku í annarri hendinni.

Í húsinu fyrir ofan "bókabúðina" var líka tekið upp atriði í myndinni, en við fórum aðeins inn í það, enda maki minn verið þar mörgum stundum og var þar staddur.

Við enduðum ferðina á Flateyri, en þar gat hann kíkt inn í "ekta" bókabúð.  Þeim var síðan boðið upp á pylsur með öllu, en það var greinilega alveg ný upplifun

    

Það er ótrúlegt hvað margir hafa séð Nóa Albinóa og eignast myndina.  http://www.youtube.com/watch?v=4l1Tgx2twDw

Ég á smá bút sem ég tók upp á myndband, þegar verið var að kvikmynda atriðið, þar sem Nóa var hent út af ballinu, "hin hliðin á málinu", áttaði mig á því, þegar ég sá bíómyndina.

 

Styrkir til menningarmála og skemmtanalíf Ísfirðinga

Nú er fjallað um styrk frá sveitarfélaginu vegna fyrirhugaðrar fjölskylduskemmtunar, annars vegar í bloggfærslu og hins vegar á vefmiðli einum hér í bæ.

Nú sjá veitingamenn "sæng sína útbreidda", það sé hægt að sækja um styrk með nokkurra daga fyrirvara til að styðja við menningarflóruna. 

Það er vandlifað í henni veröld.  Til eru ýmsir sjóðir og nefndir sem úthluta styrkjum eftir ákveðnum reglum.  Ákvörðunin er svo tekin af stjórnum og ráðum.  Farið er yfir umsóknir, hugmyndir metnar, "gæði umsóknarinnar" hún þarf að vera trúverðug og rétt út fyllt. 

Þrátt fyrir einlægan vilja og góðan ásetning er ekki þar með sagt að þetta takist alltaf og sitja því umsækjendur gjarnan eftir með "sárt ennið".

Í þetta skiptið var úthlutað lágri upphæð, en hún hefur hreyft við þeim sem veigra sér við að halda slíka viðburði sökum kostnaðar sem því fylgir. 

Um síðustu helgi tók ég mig til og mætti í eitt þessara húsa.  Þar var flutt lifandi danstónlist af brottfluttum Ísfirðingum sem hafa verið duglegir að sækja okkur heim og leika fyrir okkur ýmiskonar dægurtónlist.  Fyrir nokkrum árum voru haldnir mjög skemmtilegir tónleikar á Torfnesi og eftir þá dansleikur á sama stað og nú, þar sem Ísfirðingar (fyrr og nú) tróðu upp.  Það kvöld er mjög eftirminnilegt og myndaðist gamla góða "Hnífsdals stemmningin", en nú er öldin önnur!

Þegar ég mætti ásamt vinkonu minni, dóttur minni og vinkonum hennar var dauft yfir að líta.  Inni voru varla mikið meira en 20 gestir, mér taldist til að starfsmennirnir hefðu verið 5 og svo fjölgaði um okkur 5, en ungu konurnar voru fljótar að forða sér út!  Tónlistarmennirnir héldu ótrauðir áfram, léku og sungu þar til klukkan varð 3.

Mér þótti þetta afskaplega einkennilegt, reyndar fannst mér þetta frekar dónalegt og kom mér mjög á óvart. 

Við vissum að í bænum voru margir "brottfluttir" Ísfirðingar í tengslum við m.a. Stóra púkamótið og var a.m.k. annar tónlistarmaðurinn mættur vegna þess. 

Ég gekk til þeirra og spjallaði aðeins við þá á meðan þeir gengu frá hljóðfærunum, lýsti yfir furðu minni á þessu og hvað mér þætti þetta leiðinlegt þeirra vegna.  Þeir voru pollrólegir, virtust ekki ætla að láta þetta á sig fá.  Svona væri þetta stundum, en það hefði verið að koma og fara slatti af fólki allt kvöldið.

Ég held að veitingamenn séu ekki öfundsverðir yfirleitt, hvað þá á svona stundum!

Við gengum neðar á Eyrina vinkonurnar eftir þetta og sáum að fólk hafði safnast saman á einn stað, þar var reyndar aðallega yngra fólkið, en miðaldra fólkið sást ekki á ferli! 

 

 

Vinir Hæstakaupstaðar, vinir Ísafjarðar, Íslandsvinir

     Harmóníkuleikarinn Terhi Sjöblöm.

bb.is | 18.07.2008 | 16:04Sumarþrenna í Hömrum

Sannkölluð sumarþrenna verður í Hömrum næstu viku en þá eru þrír atburðir á dagskrá sem eru hluti af tónleikaröðinni Sumar í Hömrum. Þrennan hefst fimmtudagskvöldið 24. júlí klukkan 20 með tónleikum píanóleikarans og Ísfirðingsins Önnu Áslaugar Ragnarsdóttur. Á dagskránni eru ýmsar píanóperlur svo sem Ítalski konsertinn eftir Bach, Sonata Pathétique eftir Beethoven, Barcarolle eftir Chopin og verk eftir Jónas Tómasson og Olivier Messiaen.
Föstudagskvöldið 25. júlí klukkan 20 opnar svo rúmenski ljósmyndarinn Octavian Balea sýningu á verkum sínum í Hömrum undir yfirskriftinni Engill og Brúða. Aðaluppistaða sýningarinnar eru ljósmyndir sem hann tengir við frægt tónverk Bach, Goldberg-tilbrigðin. Finnski harmóníkuleikarinn Terhi Sjöblöm kemur fram á opnun sýningarinnar en daginn eftir, laugardaginn 26. júlí, heldur Terhi tónleika í fullri lengd með verkum eftir norræn tónskáld og fleiri. Hefjast tónleikar Terhi klukkan 16.

Aðgangur að öllum viðburðunum er ókeypis en tónleikaröðin Sumar í Hömrum hlaut styrk frá Menningarráði Vestfjarða í vor.

Hátíðahöld í Hæsta

    

Undirbúningsnefndin að störfum....                                 

 

Veislan hafin:         

                    

                                                                    Við hringborðið

       

Heiðurskonur og Zontasystur                                Frændi, vinur og Zontasystir

 

       

 Spjallað í koníaksstofunni                                      Frá því að ég fæddist.....

                      

Vinkonur, Zontasystir,félagi og veislustjóri                     Skírnargjafirnar mínar og fleira...

       

  Litli bróðir gullsmiðurinn ( www.finnur.is )     

  

                   Kunnuglegt?!

   

   Bæjarstjórinn flytur kveðjur og ávarpar mig     

 Þessi pössuðu einu sinni á mig....

             

Maki, ættingjar og vinir        

   

      Frá því ég var á öðru ári...

    

 Systkinin af Skaganum      

 

 Það var nú þá....!

       

 Harmonikkuhjónin og gullsmiðurinn           Mæðgurnar, Óli lokbrá, boltar, minnisvarði....

  

 Parið við brekkuna                                                               Ís-fólkið sker í tertu....!

    

                               

 Ung söngkona syngur Imagine eftir John Lennon                       

           

Konur úr Víkinni og bræðurnir      

          

 Krónprinsessan í Hæsta         

          

  Mágkona mín og börnin hennar                               Bróðursonur minn

           

Vinkona og Zontasystir                                          

           

            

Ísbirnir þá og nú...

Eftir alla umfjöllun fjölmiðla undanfarnar vikur um ísbirni, hvort sem þeir voru fangaðir eða reyndust vera hestar, varð mér hugsað til ársins 1965.

Þá var hafís inni á Norðfirði, þar sem ég var á ferð ásamt móður minni hjá föðurfólkinu mínu og fleiri skyldmennum.

Um þær mundir var aprílgabb útvarpsins einmitt í tengslum við ísbirni ("úllabbalabbalei..."), með Stefán Jónsson í broddi fylkingar!

Þarna var ég aðeins barn að aldri og lifði mig greinilega inn í alla þessa umfjöllun um hafís og meinta ísbirni!  Það heyrðis líka mikið marr og brestir í ísnum!

Eitt kvöldið þegar ég hafði lagst í hvílu tókst mér engan veginn að festa svefn, vegna sannfæringar um að það væri ísbjörn inni í herberginu!  Þegar móðir mín fór að athuga málið reyndist björninn aðeins vera pottofn, beint á móti rúminu!

Ég hef aldrei getað sofið við ljós, þarna hafði "eitthvað stórt" blasað við í rökkrinu...

 

  Myndin er frekar lítil hjá mér, en þarna erum við nokkur börn, með hafísinn í baksýn á Norðfirði "hafísárið" 1965.

Finnur gull, af manni!

Hinn mæti drengur, sem hefur nú hafið sjálfstæðan atvinnurekstur á Vesturlandi, nánar tiltekið á Akranesi, litli bróðir minn, gullsmiðurinn Finnur Guðni er kominn með heimasíðu!

Lénið er auðvelt að muna.  Drengurinn er hógvær á allan hátt, hvort sem um er að ræða verð eða annað Sjón er sögu ríkari: www.finnur.is

Til hamingju með framtakið litli bróðir, ég fyllist stolti   

 

 

Eftir tónleikana í Bryggjusalnum

Ég skellti mér á tónleikana ásamt dóttur minni (við sluppum inn á myndina með fréttinni ).

bb.is/Pages/26?NewsID=117400

Ég sagði gestum mínum frá fyrirhugðum tónleikum og mættu þau öll (sem ég hafði náð að tilkynna málið).

Þetta var fróðlegt og skemmtilegt, ekki hefðbundnir tónleikar.

Það er alltaf gaman að fræðast um Grieg.

Við keyptum okkur bók um hann í fyrrahaust. Svo sáum við skemmtilegan þátt um norska tónskáldið í sjónvarpinu (Ruv) í vetur, mjög áhugaverður þáttur!

Ég er alltaf að rekast á eitthvað á netinu!  Haldiði ekki að Grieg sé til hljóðritaður á You Tupe!

 www.youtube.com/watch?v=J_Ztjt7JuUY&feature=related  

 

  Þarna bjó tónskáldið, á Tröllahaug.

  Edvard og Nina Grieg 

Langafi Grieg og tengingin við Hæstakaupstað

Í dag kl. 12:10 í Bryggjusal Edinborgarhússins:

Håkon Austbø, píanó

Þriðju hádegistónleikar Háskólaseturs Vestfjarða eru tileinkaðir norska tónskáldinu Edvard Grieg. Norski píanóleikarinn Håkon Austbø ætlar að leika hluta úr op. 66 og 72 eftir Grieg og um leið reyna að setja hina norsku þjóðlagahefð í evrópskt samhengi, líkt og Grieg gerði fyrstur manna.

 

 

 

Tónskáldið Edvard Grieg 

Við hjónin fórum á tónleika við heimili Grieg á Troldhaugen 1999, en það var ekki fyrr en með grúski mínu árið 2005 sem ég uppgötvaði tenginguna á milli hans og Björgvinjarmannanna!

Ég var mjög ánægð með þetta, hafði áður ákveðið að Grieg væri "tónskáld" hússins, þar sem hann var ekki einungis norskur heldur frá Bergen!

 

En uppgötvun mín var þessi:

 

Hr Janson, forsprakki Björgvinjarmanna sem reistu hús í Hæstakaupstað á Ísafirði 1788 og næstu ár þar á eftir.  Hann var langafi Grieg.

Björgvinjarmennirnir komu einnig við sögu í Bolungarvík.

Janson langafi Grieg átti þennan herragarð í Bergen og bjó þar

 Herragarðurinn hefur verið opinn sem safn frá 1993, með garði í 18. aldar stíl, þar eru m.a. styttur.

Við hjónin fórum í aðra "pílagrímaferð" okkar til Bergen s.l. haust og létum þá opna fyrir okkur safnið, þar sem það er einungis opið yfir sumartímann, nema fyrir hópa.  Ég hafði samband við forstöðumann safnsins, sagði hvaðan við kæmum og frá tengingunni, þá vorum við boðin velkomin að kíkja á staðinn.

Það var mjög skemmtileg tilfinning að vera loksins komin á þennan merkilega stað og ganga með leiðsögn um alla bygginguna og garðinn.

 

19.júní! Svör við getraun - 15.júní 2008

Til hamingju með daginn, Íslensku konur!

Í tilefni dagsins finnst mér rétt að birta svörin við getrauninni minni.

Ég hef grúskað mikið á undanförnum árum og rekist á margt athyglisvert.

Saga karlanna er rakin ítarlega og það sem þeir hafa fengist við, en ef vel er að gáð má sjá minnst á konur!

Konan sem hér um ræðir var "kona mikilhæf í sjón og raun. Þótti svo mikið til hennar koma í kaupsýslumálum að þar stóðu henni fáir á sporði.  Stjórnaði hún Ólafsvíkurverslun um fimm ára skeið og hlaut af sæmdir miklar".  

Þetta rakst ég á í "Sögu Ísafjarðar" eftir Jón Þ.Þór

 

Spurningar og svör:

1.  Hver varð fyrst íslenskra kvenna til að stunda sjálfstæðan verslunarrekstur?

Hún hét Valgerður Pétursdóttir

2.  Hvaðan var hún? 

Frá Búð í Hnífsdal

3.  Hvað hétu eiginmenn hennar? 

Ernst Mathias Hedemann (stundum skrifað: Heidermann)

Holger Peter Clausen

Holm

Þeir voru allir danskir.

4.  Hvaða staður tengdi saman fyrsta mann og son hennar?

 Hæstikaupstaður, Ísafirði.

Þetta er einnig samkv. "Sögu Ísafjarðar" eftir Jón Þ.Þór, hef reyndar séð ýmislegt varðandi þetta í öðrum bókum og ritum.