Vestfirðir og Vestfirðingur í Helsinki, Finnlandi, við erum öll velkomin!

"Vinur Vestfjarða" Octavian Balea opnar Gallerý sitt No. 33 í Helsinki 21. nóvember n.k.  Hann hefur sent út boðskort, þar sem má sjá myndir frá Vestfjörðum, t.d af Gleiðarhjalla og úr Faktorshúsinu Hæstakaupstað.  Boðskortið: http://www.pensula.fileave.com/no33.pdf hann vildi einnig senda út nokkur eintök á íslensku, þ.á.m. til Sendiherra Íslands.Á dagskrá er tónlistarflutningur, harmonikkuleikarar, nemendur hins þekkta Matti Rantanen, sem einnig verður viðstaddur.Veggina munu prýða myndir sem Octavian tók á ferðum sínum til Vestfjarða, t.d. má sjá Gleiðarhjallann og mynd úr Faktorshúsinu Hæstakaupstað. Skartgripir eftir Ísfirðinginn á Akranesi, Finn Guðna Þórðarson gullsmið og skartgripahönnuð verða á meðal þess sem fyrir augu ber í hinu nýja galleríi í Finnlandi.Finnur er kominn til Finnlands...

Octavian fékk 2 Íslendinga í heimsókn á dögunum og þekkti íslenskuna.  Hann spurði hvaðan viðkomandi væru og var svarið Reykjavík.  Þá sagðist hann hafa bent á að hann væri með myndir frá Íslandi, aðallega Vestfjörðum.  Íslendingarnir hefðu hváð við, hvort þar væri nokkuð annað en fjöll?!

Virðisaukinn

Fjölmennt var í Háskólasetrni Vestfjarða í dag þ.e. í Vestrahúsinu við Suðurgötu.   Þar voru fluttar ræður af hálfu forsvarsmanna stofnana sem þar eru til húsa.  Eigandi hússins var einn þeirra sem ávarpaði gesti.  Hann lýsti yfir ánægju með iðnaðarmennina sem hér eru, hvað þeir vinni vel og hvað þeir séu góðir. 

Hvernig værum við stödd ef þeirra nyti ekki við?   Þeir koma við sögu í ótal þáttum, nýsköpun, uppbyggingu, viðhaldi o.s.frv. 

Síðast á dagskrá var afhending frumkvöðlaverðlauna.  Formaður Atvinnumálanefndar bauð viðstadda fulltrúa nefndarinnar að standa sér við hlið þegar forseti bæjarstjórnar afhenti verðlaunin.  Við brugðumst að sjálfsögðu vel við þeirri beiðni

Ég birti hérna umfjöllun héraðsfréttamiðils varðandi málið:

bb.is | 18.11.2008 | 16:47Háskólasetrið hlaut Virðisaukann

Háskólasetur Vestfjarða hlaut Virðisaukann, frumkvöðlaverðlaun Ísafjarðarbæjar, sem afhent voru við hátíðlega athöfn í dag. Það var Birna Lárusdóttir, forseti bæjarstjórnar Ísafjarðarbæjar sem afhenti Peter Weiss verðlaunin og sagði við það tæki færi að það væri hverju okkar nauðsynlegt að fá klapp á bakið og hrós fyrir vel unnin verk, hvort heldur væri í leik eða starfi. „Að sama skapi er það nauðsynlegt fyrir bæjarfélag á borð við Ísafjarðarbæ að vera vakandi fyrir því sem er vel gert í samfélagi okkar og láta viðurkenningu í ljósi þegar við á. Í viðleitni við að hrósa eða hvetja hafa bæjaryfirvöld á liðnum árum veitt viðurkenningar á ýmsum sviðum og má þar nefna bæjarlistamenn og heiðursborgara, fallegt hús og snyrtilegt umhverfi og síðast en ekki síst verðlaun fyrir framlag til atvinnuuppbyggingar í Ísafjarðarbæ. Verðlaunin bera nafnið Virðisaukinn og er það til marks um þann hug sem bæjaryfirvöld bera til þeirra fyrirtækja og stofnanna sem viðurkenninguna hljóta. Verðlaunahafarnir eru sannkallaðir virðisaukar fyrir bæjarfélagið ,“ sagði Birna.

Þetta er í sjötta skiptið sem Ísafjarðarbær veitir slík verðlaun en á undan hafa farið Hraðfrystihúsið Gunnvör, 3X Technology, Sveinbjörn Jónsson, Glitnir hf., og Klofningur ehf., fengið verðlaunin. Í rökstuðningi atvinnumálanefndar Ísafjarðarbæjar fyrir valinu segir: „Verðlaunin eru ætluð sem hvatning handa þeim sem sýna frumkvæði í málum er varða bæjarfélagið og samborgara. Við veitingu er tekið tillit til framlags við aukningar á atvinnu eða menntun, til meiri fjölbreytni í atvinnu, menntunar eða afþreyingu, til aukins sýnileika bæjarfélagsins á landsvísu eða sérstaks árangurs á svið þróunar vöru, þjónustu eða markaðssetningu. Það er niðurstaða atvinnumálanefndar með hliðsjóna að þessu sé Háskólasetur Vestfjarða vel að þessum verðlaunum komið. Þetta er ung stofnun, aðeins þriggja ára gömul, og byggð á góðum grunni. Hún byrjaði smátt en hefur vaxið mjög á síðustu árum. Þar starfa níu manns ásamt stundakennurum og eru því alls sautján stöðugildi við setrið.“

[e-mail]

Hvernig virkar þetta kerfi?!

Ég hef verið að fara yfir tímasetningarnar varðandi kerfið hjá Neyðarlínunni. 

Fréttirnar sem voru birtar á vefnum www.bb.is voru þrjár s.l. föstudag, eins og kemur fram í fyrri færslunni minni.  Það sem mér þótti ekki koma fram þar var, ÞAÐ KOM EKKERT SLÖKKVILIÐ. 

Ég hringdi í 112 06/11/2008 kl. 17.27.34 og fylgdist um leið og síðar með framvindu á staðnum (hjá mér) og Slökkvistöðinni (sem er í u.þ.b. 100 hundruð metra fjarlægð frá umræddum stað ).  Það var enga hreyfingu þar að sjá.  Manneskjan sem lét mig vita af málinu hljóp þangað, barði allt að utan, en þar virtist enginn vera, þeir sennilega ný farnir heim í lok vinnudags.

Þegar þarna var komið sögu kallaði aldraður stjúpfaðir minn til mín, að það væru komnir logar, en það var fyrst þéttur reykur.  Ég vildi fara að taka málin í mínar hendur og reyna að slökkva eldinn, en sá gamli bannaði mér það, enda vissum við bæði að beint fyrir ofan logana væri gas

Þá ákvað ég að hringja í frænda minn (kl. 17.31.43) sem er í slökkviliðinu, vissi að ég væri með númerið hans í símanum hjá mér.  Hugsunin var að hann vissi a.m.k. hvað ætti ekki að gera.  (Eftir á að hyggja virtist hann ekki hafa fengið önnur boð ).  Hann brást vel við og var sennilega kominn 2 mínútum seinna.  Þá hafa verið liðnar allavegana 7-8 mínútur, en minnst 10 mínútur frá því að verknaðurinn var framinn.  Mér þætti fróðlegt að vita hvort þetta er ásættanlegt?!

 

 

Úr Hæsta: Um Neyðarlínuna og brunaliðið

Síðasti sólarhringur hefur verið viðburðaríkur hér í Hæsta        þetta er dæmi um það sem gerðist!
http://www.bb.is/?PageID=26&NewsID=123586
http://www.bb.is/Pages/26?NewsID=123611
http://www.bb.is/Pages/26?NewsID=123618

3 fréttir, tengdar sama málinu, en hvar var "brunaliðið", það kom ekki!  Bara frændinn, sem kom á sínum bíl, síðan komu aðrir tveir á einkabíl og einn lögregluþjónn.  Hvað var málið?  Vegfarandinn sem lét mig vita, hljóp upp að slökkvistöð á meðan ég vaktaði aðstæðurnar á staðnum, en þar var enginn! 
Þegar ég hringdi í neyðarlínuna, byrjaði ég á að kynna mig, síðan sagði ég götunúmer og götuheitið, en lagði áherslu á að segja slökkviliðinu frekar HVAÐA HÚS þetta væri, hvar og nafnið mitt, þeir myndu þá fara strax á rétta staðinn, upplýsingar tendar götunni myndu bara rugla þá í rýminu!  Röddin svaraði "ég verð að skrá upplýsingarnar um götuheiti og -númer".  Ég spyr, hvað gagnaðist í þessu tilfelli að gefa þetta allt þetta upp? Auka upplýsingarnar virtust ekki einu sinni gefa til kynna  að neitt virkaði!

Persónulega finnst mér nú nóg komið af slíku fikti og tímabært að hægt sé að koma í veg fyrir að nokkuð þessu líkt endurtaki sig.  Þetta var ljótur "leikur"!

Hvað Neðsta varðar, þá er það mál enn óupplýst, rúmlega 2 mánuðum síðar, enn er ekki komið rafmagn á verkstæðið sem er í hluta byggingarinnar sem skemmtist þá

 

Við Austurvöll

Það er orðið langt síðan ég setti hér inn færslu.

Í þessum rituðu orðum heyri ég varla hugsanir mínar, það  eru tugir grunnskólabarna fyrir utan gluggann hjá mér, þau tala ekki saman, þó æpa hvert á annað... 

Í Suðurtanganum er ástandið óbreytt, þar vísar hver á annan og vantar enn ljós og hita í hluta húsakynnanna frá því að kveikt var í fyrir rúmlega 2 mánðuðum!  Slæmt mál fyrir þá sem málið snertir 

Lífið virðist ganga sinn vanagang hérna fyrir vestan, mikið um að vera í menningarlífinu,opnun ýmissa sýninga undanfarið, útgáfumál í blóma og margir virðast ætla að njóta jólahlaðborðanna sem veitingahúsin bjóða uppá.  Þar verða margar kræsingar á borð bornar, matur og skemmtun.  Það er líka auðvelt að fá gistingu hér fyrir vestan, hagstætt að ferðast innanlands, ekki þarf að sækja um erlendan gjaldeyri, við tökum við íslenskum krónum og greiðslukortum

Ég hef verið í samstarfi við Háskólasetur Vestfjarða undanfarið og átt samskipti við nokkra erlenda gesti.  Það er alltaf jafn ánægjulegt að finna áhuga þeirra fyrir landi okkar, Sögu og Þjóðinni.  Það sem okkur finnst venjulegt, hversdagslegt, er í þeirra augum annað og miklu meira

Ég hitti "æskufélaga" minn á dögunum:

 

Ég ólst upp á heimili þar sem þessi húsgögn voru, þau komu frá eigendum Ásgeirsverslunar á Ísafirði.  Þau eru varðveitt á svæðinu

 

 

 

 

 

Konur og menn á Ísafirði með handverk til sölu

Það er mér heiður að tilkynna að Finnur Þórðarson bróðir minn, gullsmiður og skartgripahönnuður á Akranesi, verður staddur í versluninni Konur og menn, í Neista á Ísafirði, n.k. föstudag e.h. og á laugardaginn.  Þar munu í framhaldinu verða seldir munir sem hann hefur smíðað.

Finnur er kominn með heimasíðu, þar gefur að líta sýnishorn af framleiðslunni: www.finnur.is

Myndir af hálsmenum sem Finnur hefur smíðað:

     

 

Með ömmu og afa

Þetta er eitthvað sem ég hef vitað frá upphafi, enda ólst ég upp með móður minni heitinni hjá ömmu og afa.  Það hefur örugglega mótað mig mikið.  Heimilið var fjölmennt oft á tíðum, t.d. ýmsir ættingjar, vinir, starfsmenn og viðskiptavinir fyrirtækis afa og flokksfélagar hans. 

Snemma lærði maður að bera virðingu fyrir eldra fólki, hlusta á það og læra af því.

Tíu ára afmælið mitt var haldið á heimili hinnar ömmu minnar, hún var þá sjötug og flestir afmælisgestirnir vinkonur hennar   Þær urðu upp frá því ágætisvinkonur mínar líka

Það er svo margt sem þetta fólk vissi og gat frætt mann um.  Ég tel mig búa vel að þeirri reynslu, og hugsa oft til þeirra með þakklæti í huga 

Það er yndislegt að skipa nú hópinn: "amma og afi"

 

Afi og amma mikilvæg

Farskóli á Ísafirði - FÍSOS 2008

Þann 18.september s.l. sat ég Farskóla íslenskra safnamanna í Edinborgarhúsinu, Ísafirði.  Dagskráin var mjög fróðleg spannaði yfir allan daginn.  Um kvöldið var haldin þar árshátíð FÍSOS.  Dagskráin var glæsileg, þríréttaður matur, í höndum vertsins í Neðsta og aðstoðarfólks hans.

 Frummælendur:

• Einar Kárason, rithöfundur.
  Leikmannsþankar um gamalgróin byggðarlög.
• Guðný Gerður Gunnarsdóttir, borgarminjavörður.
  Sagan - borgin - sjálfsmyndin. Minni og óminni.
• Guðrún Helgadóttir, prófessor við Hólaskóla.
  Neyðarlegt hvað keisarinn er ber, nú kæmi sér vel að kunna að spinna.
• Halldór Halldórsson, bæjarstjóri Ísafjarðarbæjar og formaður Sambands íslenskra sveitarfélaga
  Hallir eru vaxnar upp úr kofum.
• Helgi Bollason, arkitekt.
  Laugarvegur, hvað viltu verða?
• Magnús Skúlason, arkitekt.
  Bátar og strandminjar, hugleiðingar.
• Margrét Hallgrímsdóttir, þjóðminjavörður.
  Vangaveltur um báta- og vélasafn Þjóðminjasafnsins, framtíðarsýn.
• Margrét Harðardóttir, arkitekt.
  Stefnuleysi í húsverndunarmálum.
• Sigmundur Davíð Gunnlaugsson, skipulagsfræðingur.
  Söguleg verðmæti eru líka efnahagsleg verðmæti.

                             

Fundar- og pallborðsstjóri var Egill Helgason (Silfur-Egils).

Pallborðsumræður

Svanhildur, Dagný og Helga Margrét

Halldór Smárason

Einn þátttakenda sagði okkur sögu og söng eitt lag

Einar Kárason sagði okkur frá æskuminningunum sínum á Ísafirði.  Hann nefndi ýmsar persónur sem bjuggu hérna, leikfélagann og uppátæki þeirra.  Þeir léku sér t.d. í Suðurtanganum, hjá  togaranum Guðmundi Júní, en fremri hluti hans stóð þar lengi upp úr sjónum.  Síðar hefðu þessar minningar orðið til þess að hann skrifaði um Skipasmiðinn Marsellíus og syni hans í bókina "Heimskra manna ráð" og lent inni á "ættarmóti Massafólksins" í Faktorshúsinu Hæstakaupstað fyrir nokkrum árum.  Reyndar var þá verið að opna sýningu um "Skipasmiðinn í Neðsta", sú bók var einn af "sýningargripunum".  Einar gekk inn í húsið þegar henni var stillt upp, klukkustund fyrir opnunina.  Að sjálfsögðu var honum boðið að vera með, þar sem um svo skemmtilega tilviljun var að ræða   Nokkrir af ættingjum Massa voru einnig viðstaddir og fór vel á með þeim og Einari

Þessir koma úr Árbænum í Rvk og frá Hólmavík

Safnamennirnir á Görðum Akranesi

Þau komu að norðan og austan

Boðið upp á ábót   

2 "safngripir"

Þrír í þungum þönkum

Við borðhaldið

Gaman saman

bb.is | 23.09.2008 | 10:54Hvað skal geymt og hvað ekki?

Árlegur farskóli íslenskra safna og safnmanna var haldinn á Ísafirði í síðustu viku. Jón Sigurpálsson forstöðumaður Byggðasafns Vestfjarða var skólastjóri farskólans. Að hans sögn gekk farskólinn mjög vel. „Svona líka glimrandi vel. Það voru fyrirlestrar og mjög ganglegar umræður í kringum þá. Meðal annars var hið umdeilda málefni „hvað á að geyma og hvað ekki?“ tekið fyrir. Það eru skiptar skoðanir um hvað teljist til minjar og hvað ekki. Formleg niðurstaða mun birtast innan tíðar,“ segir Jón. „Um kvöldið var haldið til veislu sem Lúðvík Valdimarsson stjórnaði og Einar Kárason rithöfundur minntist gamalla tíma frá Ísafirði. Það getur samt verið vandasamt verk að minnast einhvers þegar þjóðminjaverðir og sagnfræðingar eru að hlusta. Menn þurfa að vera afar nákvæmir og ekki rugla neinni sögulegri staðreynd. Svo var slegið upp dansleik og var dansinn stiginn eitthvað fram eftir nóttu. Ég gat ekki séð annað en fólk hafi verið ótrúlega ánægt með þetta allt saman,“ segir Jón Sigurpálsson.

[e-mail]

 

Óvissa í Suðurtanganum

Nú eru liðnar 3 vikur og einn dagur frá seinni brunanum í Suðurtanganum á Ísafirði.   Enn hefur ekki verið upplýst hver framdi verknaðinn.  Þar eru fyrirtæki sem hafa ekkert rafmagn, vatn eða hita og hlýtur hver maður að sjá hversu hvimleitt það er   Miklar umræður eru manna á milli um framtíð húsnæðisins og er óvissan sem því fylgir, ólíðandi fyrir hlutaðeigandi.   Fjölskyldan sem þarna bjó þurfti að flytja út og fékk inni í húsnæði, til bráðabirgða.

Í húsunum (þetta er einskonar byggingaklasi) hefur verið ýmiskonar starfsemi í langan tíma.       Þar var starfrækt rækjuverksmiðja/niðursuðuverksmiðja og má enn sjá flísalögð gólf frá þeim tíma og fleira sem minnir á þá starfsemi. 

Um áratuga skeið tengdist starfsemin í húsunum Skipasmíðastöð Marsellíusar Bernharðssonar (M.Bernharðsson hf).  Þar var trésmíðaverkstæði (smíði trébáta), lager, bílaverkstæði, rafmagnsverkstæði, sandblástur, tæknideild, skrifstofur og trésmíðaverkstæði (innréttingar).  Þá var skipasmíðaiðnaðurinn blómlegur og nokkrir tugir starfsmanna vann við stöðina. Rétt við húsin, er hús sem er eitt af safnahúsunum í Neðstakaupstað, Smiðjan (tilheyrði M.B. hf), þar var renniverkstæði og járnsmíðaverkstæði, eldstæðið er þar ennþá.

Neðar á tanganum eru svo húsin sem nefnast, Naust (þar voru smíðaðir stálbátar, sá fyrsti í lok 7.áratugar liðinnar aldar m.b. Kofri Ís 41, Súðavík) og "Hveragerði" (þar var síðar trésmíða- verkstæði, þar sem allar báta innréttingar voru smíðaðar og unnið við almenna trésmíðavinnu, ekki síst það sem sneri að trébátum (eikarbátum)).                                                                               

Nú er "öldin önnur", húsnæðinu verið breytt í samræmi við breytta tíma og er notkunin blönduð,fyrir atvinnustarfsemi og íbúðir.  Í þeim hluta húsanna sem stendur næst Faktorshúsinu, Neðstakaupstað, voru smíðaðir trébátar. Þar unnu þeir Skúli Þórðarson og Jakob Falsson.  Fyrir utan stendur spilið sem var notað við sjósetningu bátanna.                                                                                                                                                                         M.Bernharðsson flutti starfsemi sína úr Miðkaupstaðnum upp úr 1940, þar sem han hóf skipasmíðar sínar (á svæðinu á milli Aðalstrætis 15 og Pollgötu-blokkarinnar).  Síðar voru trébátarnir smíðaðir í húsaklasanum sem óvissan ríkir um núna                                                                       

Síðasti trébáturinn sem var sjósettur þarna var Ingiber Ólafsson sem var smíðaður fyrir Keflvíkinga. Starfsemi skipasmíðastöðvarinnar og tengdra aðila hélt áfram í húsunum fram undir síðasta áratug liðinnar aldar.  

Mér finnst alltaf jafn notalegt að skreppa í Suðurtangann-Neðsta, ég átti margar stundir þar á æskuárunum og á ennþá erindi þagnað mjög reglulega, eins og sjá má af færslum mínum.  Ég hef tekið mikið af myndum niðurfrá

                                                                                                               

Maí s.l. félagar úr Sæfara, sem hefur verið með starfsemi sína í Suðurtanganum undanfarin ár.

      

25.ágúst 2008, slökkvilið Ísafjarðar að störfum í Suðurtanga, fremst á myndinni sést í 2 báta Sjóminjasafnsins ( www.nedsti.is ) 

                 

Þessi átti "erindi" við Sæfara

Vonandi tekst að upplýsa málið á allra næstu dögum, þessi óvissa hefur slæm áhrif á þá sem málið snertir

 

Þessi frétt er af dv.is og bb.is í dag: 

Lögreglan á Vestfjörðum gefur ekkert uppi um hvernig rannsókn gengur á tveimur íkveikum á Ísafirði í lok ágúst.
DV greinir því í dag að lögregla staðfesti fyrir helgi að hafa yfirheyrt þrettán ára dreng vegna íkveikjanna. Pilturinn neitar staðfastlega sök. Hann bjargaði þremur börnum úr seinni brunanum en óttast var að þau hefðu brunnið inni.

Tveir brunar komu upp með nokkurra daga millibili í Sultartanga [Suðurtanga]á Ísafirði í síðasta mánuði og komst lögreglan að þeirri niðurstöðu að um íkveikju væri að ræða í bæði skiptin.

Í samtali við blaðamann í dag vill lögreglan hvorki gefa upp hvort aðrir liggi undir grun né hvort aðrir hafi verið yfirheyrðir vegna málsins. Aðeins fást þær upplýsingar að rannsókninni miði en óvíst hvenær henni ljúki.

Í dag segir DV frá því að faðir drengsins var viðstaddur yfirheyrsluna en samkvæmt lögum verður foreldri eða starfsmaður barnaverndarnefndar að vera viðstaddur yfirheyrslu þegar um barn undir lögaldri er að ræða.
Þess utan vill lögreglan engar upplýsingar gefa, hvorki um hvort aðrir liggi undir grun né hvernig rannsókninni miði.

Þrjú börn voru inni þegar seinni eldurinn kom upp og óttuðust foreldrar þeirra að þau hefðu brunnið inni.

Tónlistardagurinn mikli á Ísafirði - Risakór á Silfurtorgi

Mikið gengur á og meira stendur til

bb.is | 15.09.2008 | 13:54 Afmælislag í tilefni af tónlistardeginum mikla

Samið hefur verið afmælislag í tilefni af tónlistardeginum mikla sem haldinn verður á Ísafirði á laugardag. Á næstu dögum munu tónlistarkonurnar Ingunn Ósk Sturludóttir, Bjarney Ingibjörg Gunnlaugsdóttir og Hulda Bragadóttir fara víðsvegar um bæinn og kenna fólki sönginn svo allir geti sungið við raust á Silfurtorgi á laugardagskvöld við hátíðahöld í tilefni af 60 ára afmælis Tónlistarfélags Ísafjarðar og Tónlistarskóla Ísafjarðar. Um er að ræða íslenskun á ABBA-laginu Thank you for the music og nefnist Á vængjum söngsins sem mun óma af vörum Ísfirðinga og annarra gesta á afmælisdaginn. Ólína Þorvarðardóttir sá um þýðingu textans.

Þess má geta að fyrsta sameiginlega æfing Risakórs sem stofnaður hefur verið í tilefni af afmælinu fer fram í Hömrum kl. 18 á morgun og eru allir hjartanlega velkomnir.

Texti lagsins er svohljóðandi:

Á vængjum söngsins

Ég virðist látlaus, ég verð sjaldan æst eða reið
Ef ég segi sögu, syfjar þig trúlega´um leið.
En leynivopn á ég, eitt dásemdarþing
því kliðurinn þagnar þegar ég syng.
Það er hamingjugjöf
og mig langar að hrópa´ yfir höf:

Á vængjum söngsins
hef ég svifið í sorg og gleði
Sungið dátt með glöðu geði.
Án þess væri lífið
svo laust við lit og róm,
innihaldstóm
væri þá ævi tilveran öll.
Á vængjum söngsins hef ég svifið
um lífsins tónahöll.

Dálítil snót var ég dansandi´af lífi og sál.
Ég dreymandi söng því söngur var mitt eina mál.
Já, oft hef ég hugsað hvers virði það er
að heyra og finna í brjóstinu á sér
þessa hljómkviðu slá,
hjarta strengina ná.

Á vængjum söngsins
hef ég svifið í sorg og gleði
Sungið dátt með glöðu geði.
Án þess væri lífið
svo laust við lit og róm,
innihaldstóm
væri þá ævi tilveran öll.
Á vængjum söngsins hef ég svifið
um lífsins tónahöll.

Þakklæti finn ég
þegar ég syng af hjartans lyst.
Rödd mína þen ég hátt, svo allir heyri:
Þennan tón, þennan róm, þennan hljóm!

Söngs á vængjum svíf ég í sorg og gleðiþ
Syng ég dátt með glöðu geði.
Án þess væri lífið
svo laust við lit og róm,
innihaldstóm
væri þá ævi tilveran öll.
Á vængjum söngsins hef ég svifið
um lífsins tónahöll.

[e-mail]